Daawo:Ali & Haruun siday ugu qeyb galeen xafladii Oscar Filmka ASAD
Labada Jilaa ee filinka Asad oo ah walaalaha da’da yar ee Soomaaliyeed ee lagu kala magacaabo Harun iyo Ali Mohamed ayaa filinkooda ASAD kaga qeybgalay abaalmarinta Oscars Academy award ee ah tan ugu weyn dunida , waxaana ay caruurtani ahaayeen qaxooti Soomaliyeed oo dalka South Africa ku nool laakiin jilay taariikhda saxda ah ee noloshoodii , oo ah mid ku saabsan xili ay kaluumeysan jireen balse laguq asbay inay noqdaan burcad badeed.
Caruurtaan oo filinka u jilay qaab lala dhacay oo runtii cajiib ahaa ayaa waxaa filinkani soo saaray labada director ee lagu kala magacaabo Bryan Buckley & Producer Mino Jarjoura, ayagoo waliba caruurta ula ambabaxay dalkaasi Mareykanka si ay goobjoog uga ahaadaan xarunta Hollywoodka ee ay abaal marinta ka dhaceysay.
Filinkan oo ah mid sheeko gaaban ah ayaa waxuu qabsaday caalamka waxaana uuku guuleystay abaalmarinno inkastoo uu ku gacan seyray Oscarka. Waxaana labadan wiil ee Cali iyo Haaruun u suurto gashay in ay ka qeybgalaan Munaasabad xiddiga dunida ugu caansan lagu siinayay abaalmarin waana Roogga cas ee Los Angeles iyadoo si aad ah loogu soo labisay , waxeyna noqdeen xiddigo oo waxaa adkaatayba sida loola kulmo iyadoo lagu keenay gawaarida kala jiidan ee raaxada.
Hadaba filinkani Asad ayaa ah mid ka turjumayo qisada caruur badan oo Soomaaliyeed oo la caskareeyay, kuwaasoo badaha ku yaacay waxaana filimkani uu caalamka gaarsiinayaa xaqiiqda ka jirta dalka.
Hoos Ka Daawo Video Clip iyo Sawirrada.
Posted by admin
on Feb 26 2013. Filed under Arrimaha Bulashada, Somali News.
You can follow any responses to this entry through the RSS 2.0.
You can leave a response or trackback to this entry