Mid ka mid ah Salaadiinta Puntland oo Boosaaso lagu toogtay
Kooxo ku hubeysnaa Bastoolado ayaa duhurnimadii maanta toogasho ku dilay gudaha suuqa sarifka Boosaaso mid ka mid ah Suldaanada Puntland oo si weyn loo yaqaan.
Allaha u naxariistee Suldaan Muuse Faarax Muuse oo ku magac dheeree Onkod ayaa laba nin oo ku hubeysan bastoolado ay la dhaceen rasaas xili uu ku sugnaa suuqa sarifka ee Boosaaso, iyadoo goobta ay ka baxsadeen labadii dhalinyaro ee dilka geystay.
Markii uu dilka dhacay kadib ayaa waxaa goobta soo gaaray ciidamada amniga oo goobta ka bilaabay baaritaano ay ku baadi goobayaan kooxihii dilka geystay.
Allaha u naxariistee Suldaan Muuse Faarax Muuse wuxuu ka mid ahaa Salaadiinta Puntland ee dhinaca nabada iyo dib u heshiisiinta mar walba ku howlanaa, wuxuuna inta badan ka qeyb qaadan jiray nabadeynta beelaha ku dagaalama gudaha Puntland.
Email: warfaafiye@gmail.com
Posted by admin
on Feb 2 2013. Filed under Somali News.
You can follow any responses to this entry through the RSS 2.0.
You can leave a response or trackback to this entry