Soomaali ku xeran Addis Ababa oo la maxkamadeynayo Isniinta
Ciidamada Booliska Federaalka Itoobiya oo todobaadkii hore xaafadaha Addis Ababa ka qabqabtay in ku dhow 30 qof oo Soomaaliyeed ayaa la sheegay in maalinta Isniinta maxkamad lasoo taagayo, kuwaasi oo looga shakisan yahay iney xiriir la leeyihiin Ururka Al-Shabaab ee ka dagaalama Somalia.
Dadkan la qabqabtay ayaa waxaa ku jira rag caan ka ah Addis Ababa oo ganacsato ah gaar ahaan shirkaddaha xawaaladaha ka shaqeeya, waxaana raggaasi qaarkood la sheegay in caddeymo muujinaayo iney xiriiro hoose la leeyihiin kooxaha looga shakiyay ee Al-Shabaab.
Dad badan oo ku sugan Addis Ababa ayaa weli muujinaayo cabsi la xariirta in ciidamada Booliska Federaalka ay ka qabqabtaan xaafadahooda, waxaana yaraaday socodka dadkaasi ay ku imaan jireen magaalada iyo goobaha lagu kulmo.
Lama oga waxa uu noqon doono xukunka dadkan Soomaaliyeed iyo go’aanka maxkamadda sare ee dalka Ethiopia ay ka qaadan doonto dadkan Soomaaliyeed ee ku xeran xabsiga weyn ee Addis ababa, inkastoo ay jiraan dad tiro yar oo lagu waayay danbiyo, kuwaasi oo Isniinta la filayo in maxkamadda ay fasaxddo.
Email: warfaafiye@gmail.com
Posted by admin
on Feb 1 2013. Filed under Somali News.
You can follow any responses to this entry through the RSS 2.0.
You can leave a response or trackback to this entry