Madaxweynaha Soomaliya oo gaaray Londan
Wafdi ballaaran oo uu hoggaaminayo Madaxweynaha Jamhuuriyadda federaalka Somalia Xasan Sheekh Maxmuud ayaa xalay si diiran loogu soo dhoweeyay magaalada Londan ee dalka Britain.
Booqashada Madaxweynaha ee Londan ayaa qeyb ka ah booqashooyin uu ku maraya wadamada Yurub, iyadoo ay barbar socoto casuumaad rasmi ah oo uu ka helay dowladda Britain si ay ugu wada hadlaan arrimaha shirka Soomaalida ee 7-da bisha May ka furmi doona Londan.
Wafdiga Madaxweynaha ayaa waxaa ka mid ah wasiirka arrimaha dibada ahna R/wasaare ku xigeen Fowsiyo Yuusuf iyo madax kale.
Booqashada Madaxweynaha Soomaaliya ee dalka Ingiriiska oo ah tii ugu horeysey ee uu ku tago dalkaas tan iyo markii la soo doortay horaantii bishii September ayaa waxa ay ku soo beegmaysaa iyadoo dowladda Ingiriiska ay ugu baaqday muwaadiniinteeda ku sugan Somaliland inay kasoo baxaan sababo ammaanka la xiriira.
Shalay iyo maanta Madaxweyne Xasan Sheekh wuxuu shirar kula lahaa xarunta Midowga Yurub madaxda Ururkaasi iyo Baarlamaankooda oo ay isla meel dhigeen qorshaha taageero ee Soomaaliya tobanka sano ee soo socda.
Email: warfaafiye@gmail.com
Posted by admin
on Feb 1 2013. Filed under Somali News.
You can follow any responses to this entry through the RSS 2.0.
You can leave a response or trackback to this entry