Sunderbari oo laga mamnuucay in Haweenka ku hadlaan Mobile
Tuulo lagu magacaabo Sunderbari oo ku taal Gobolka Patna ee Waqooyiga dalka Hindiya ayaa laga mamnuucay in haweenka ay ku hadleen Taleefanka gacanta ee Mobile-ka, kadib markii Golaha deegaanka Sunderbari ay soo saareen go’aan ah in Haweenka wadata ama ku hadleysa Mobile la arki karin.
Sababta arintan keentay ayaa waxay ku sheegeen dhowr qodob oo ay ka mid tahay in ceeb iyo fool xumo ku tahay bulshada deegaankaasi, maadaama ay soo kordheen ragga la baxsanaya Haweenka ee waalidkood raali ka aheyn, taasoo fududeeysay in si fudud haweenka iyo ragga iskula xariiraan.
Tuulada Sunderbari oo ay ku badan yihiin Muslimiinta ayaa waxaa artintan ay saameysay qoysas badan, iyadoo Madaxa guddiga loo xil saaray dhaqan gelinta go’aankan oo lagu magacaabo Manuwar Alam uu sheegay in arintani ay fadeexad ku tahay bulshada maadaama ay soo kordheen masaafada dhalinyarada ragga ee haweenka kula baxsanayaan.
Wuxuu sheegay Manuwar Alam in haweeneydii la qabo ee lagu arko iyadoo ku hadleyso Mobile la ganaaxi doono 2000 Rubi ee lacagta Hindiya una dhiganta 36 Dollar, halka haweenka aan la qabin ay mudeysan doonto ganaax lacageed oo intaas ka badan oo dhan 180 Dollar.
Manuwar Alam sidoo kale wuxuu sheegay in ay soo kordhayaan ragga cabasho ka keenaya haweenkooda, kuwaasoo dayacay noloshii guriga, ee ku mashquulay ku hadalka Mobile-ka iyo rag kale oo ay qadka iska barteen.
Waxaase go’aankan uu noqday mid dhaliyay doodo iyo murano ku saabsan dhaqan gelintiisa, iyadoo ururada u dooda xaquuqda aadanaha ee ka jira dalka Hindiya ku doodayaan in ay tahay cuuryaamiin haweenka la doonayo in lagu cuuryaamiyo nolosha.
Email: warfaafiye@gmail.com
Posted by admin
on Dec 8 2012. Filed under Somali News.
You can follow any responses to this entry through the RSS 2.0.
You can leave a response or trackback to this entry