Guddiga doorashada Somaliland oo dib ugu noqonaya tirinta cododkii

Guddoomiyaha guddiga Doorashooyinka maamulka Somaliland Ciise Xamari ayaa maanta Saxaafadda u sheegay inay Hakiyeen natiijadii Ku meel gaarka ahayd ee magaalada Hargeysa isla markaana ay dib ugu noqonayaan Tirinta Codadkii Musharixiintu kala heleen.

Eng Ciise Xamari waxa uu tilmaamay sababta keentay arrintaasi inay tahay tabashada ay Musharixiintii tartamaysay ka keeneen Codadkoodii iyo sidii loo qancin lahaa dadkii Rabshadaha Dhiigu ku daatay ku muujiyey sida aysan ugu kalsoonayn natiijadii ay shaaciyeen.

“Waanu ku kalsoonahay Natiijadii laakiin si loo hubiyo loona qanciyo Musharixiinta waxaanu go’aansanay inaanu dib ugu noqono, sidaasna waxaanu isla qaadanay Xisbiyada iyo Ururada oo dhan” ayuu yidhi Ciise Xamari oo la hadlay warbaahintu.

Ururka Xaqsoor oo tageerayaashiisu ay dhigeen mudahraadkii khamiistii gilgilay Hargaysa ayaysan wax masuuliyina ka joogin shirka ay guddiga doorashadu maanta layeesheen ururada siyaasadda taasoo muujinaysa inysan weli u cuntamin ama aysan ku kalsoonayn hawsha guddiga doorashada Somaliland.

Inta badan ururada dhaliilaya doorashadii golaha deegaanka ee ka dhacday Somaliland ayaa ku shubasho ku eedaynaya xisbiga talada haye ee Kulmiye oo inta badan ugu horeeya codadka degmooyinka la tiriyey.

Dhnaka kelena gudoomiyaha xisbiga Kulmiye Muuse Bixii Cabdi ayaa jawaab kulul ka bixiyey wararkaas sheegaya in Xisbiga Kulmiye uu ku shubtay Doorashadii Golaha deeganka Guud ahaan Gobolada iyo Degmooyinka Somaliland.

Rabshadiihii Hargaysa ka dhacay 6 bishan ayaa waxaa ku dhintay 2-qof halka ay toban kelene ay ku dhaawacmeen,waxaana weli aan deganayn xaafadda Xaaji Dhagax oo ay ku badan yihiin tageerayaasha ururka Xaqsoor.

www.allPuntand.com + www.warfaafiye.com

Leave a Comment

Copy Protected by Chetans WP-Copyprotect.