Madaxweyne Xasan iyo R/Wasaare Erdogan oo kulmay (Sawirro)
Madaxweyne Xasan Sheekh Maxamuud ayaa xalay kulan kula qaatay magaalada Istanbul ee dalka Turkiga Ra’iisul Wasaare Recep Tayyib Erdogan, waxayna labada dhinac ka wada hadleen arrimo fara badan oo quseeyo Xiriirka labada dal, sidii Dowladda Turkiga u sii xoojin laheyd dib u dhiska dalka iyo horumarinta mashaariicda horumarineed ee Turkiga ka wado Soomaaliya.
Wasiirka Gaashaandhiga Soomaaliya C/xakiin Xaaji Fiqi oo ka mid ah wafdiga Madaxweynaha la socda ayaa Warbaahinta u sheegay in labada mas’uul waxyaabihii ay ka wada hadleen ay isla afgarteen, isagoo tilmaamay in wada hadalka xooggiisa uu ahaa xiriirka labada dal sidii loo xoojin lahaa isla markaana Dowladda Turkiga gacan ugu geysan laheyd sidii loo hormarin lahaa ciidamada xoogga dalka iyo Booliska.
Ra’iisul Wasaaraha Turkiga Recep Tayyib Erdogan iyo Madaxweynahiisa Abdalla Gul waxay balan qaadeen in dowladdooda ay sii wadi doonto taageerida Soomaaliya, waxaana uu soo dhoweeyay is bedelka siyaasadeed ee ka dhacay Soomaaliya.
Dhanka kale Madaxweyne Xasan Sheekh wuxuu la kulmay Gudoomiyaha Baarlamaanka ee dalkaasi Cemil çiçek, iyagoo ka wada hadlay sidii baarlamaanka Turkiga u hormarin lahaa baarlamaanka Soomaaliya, isagoo uga mahadceliyay dadaalka iyo taageeradaTurkiga siinayo dowladdiisa.
Posted by admin
on Dec 7 2012. Filed under Sawirada, Somali News.
You can follow any responses to this entry through the RSS 2.0.
You can leave a response or trackback to this entry