Awdal State oo ka digtay dhul boob Somaliland wato +Sawiro
Waxaa xalay magaalada Leiden ee dalka Holland lagu qabtay xaflad lagu soo dhoweynayay Madaxweynaha Awdal State Garyaqaan Rashid Nuur Xirsi, waxaana kasoo qeybgalay Jaaliyadda Awdal Sate iyo taageerayaasha maamulkaasi.
Xafladan oo ay soo qaban qaabiyeen Jaaliyadda Awdal Satate ayaa waxay ujeedadeeda aheyd kala war qaadasho iyo warbixin ay Jaaliyadda ka dhageysanayeen Madaxweynaha Maamulkaasi Rashiid Nuur Xirsi oo ka warbixiyay waxqadka maamulkiisa iyo himilada uu tiigsanayo.
Wuxuu si dheer ugu hadlay dhul ballaarsi uu sheegay in ay wadaan wax uu ku sheegay Beesha Naasa Hablood oo uu ula jeeday Maamulka la magac baxay Somaliland, wuxuuna ugu baaqay in ay dhowraan xuduudaha Goboleed iyo sharciyada caalamiga ah.
Rashiid Nuur Xirsi Madaxweynaha maamulka Awdal State wuxuu bulshada ku abtirsada Gudabiirsi iyo taageerayaasha Adwal in ay u istaagaan difaaca qeyraad deegaanada Awdal oo uu sheegay in shaqsiyaad doonaya iney kala qeybiyaan Soomaalida ka wada deegaanadooda.
Wuxuu Madaxweynaha Awdal uu si caro leh ugu hadlay midnimada Soomaaliyeed in ay tahay mid lama taabtaan ah, isagoo ugu baaqay Dowladda cusub ee Soomaaliya iney ka shaqeyso sidii la isugu keeni lahaa dadka Soomaaliyeed, wuxuuna hambalyo u diray Madaxweynaha cusub iyo Guddoomiyaha Baarlamaanka.
Xafladda xalay ka dhacday Leiden ayaa waxaa sidoo kale khudbado ka jeediyay xubno lagu casuumay, Guddoomiyaha Mudug Foundation Maxamed Cusmaan Guure oo maamulka Awdal State ku amaanay sida Soomaalinimada leh ee ay u doonayaan midnimada jamhuuriyadda Federaalka Soomaaliya.
Posted by admin
on Oct 6 2012. Filed under Sawirada, Somali News.
You can follow any responses to this entry through the RSS 2.0.
You can leave a response or trackback to this entry