Qaramada Midoobay & caalamka oo taageray dhaarinta Xildhibaanada
Qaramada Midoobay ayaa tallaabo horumar leh ku tilmaamtay dhaarinta iyo magacaabista Xubnaha cusub ee baarlamanka dalka Soomaaliya.
Warmurtiyeed uu soo saarayAfhayeenka Xoghayaha guud ee Qaramada Midoobay Ban Ki Moon ayaa waxa uu ku sheegay in Ban Ki Moon uu soo dhaweynayo Dhaarintii shalay ee Xildhibaanada cusub, taasoo uu ku tilmamaay guul taariikhi ah oo uu qaranka Soomaaliyeed kaga talaabsanayo dhinaca ammaanka ah xaalada kale
“Waxa uu ugu hambalyeeyay shacabka Soomaaliyeed inay gaarayaan wadadii loogu talagalay nabadda, dib u dhiska Xasiloonida iyo in laga gudbo siyaasadda qalafsan” sidaasi waxa yiri Afhayeenka Xogahayaha guud ee QM Ban Ki Moon.
Afhayeenka Ban Ki Moon ayaa sheegay in Soomaaliyaay geli doonto weji cusub kadib sanado badan oo dagaalo ay ku jirtay, wuxuuna amaan u soo jeediyay wakiilkiisa gaarka ah ee Soomaaliya Augustine Mahiga iyo dadka shaqada la wado.
Ururka Midowga Afrika, Ururka Midowga Yurub, Qaramada Midoobay, IGAD, Ingiriiska, Talyaaniga, Norway, Turkiga iyo Dowladda Maraykanka ayaa si wada jir ah u sheegay in Soomaaliya ay taageersan yihiin islamarkaana ay la garab taagan yihiin taageero dhinac waliba leh, iyagoo guul ku tilmaamay soo xulista iyo dhaarinta xildhibaanada cusub.
Waxay sheegeen in ay garab taagan yihiin Dowladda Soomaaliya, waxayna ku boorinayeen dhamaan dhinacyada Soomaalida inay sii laba jibaaraan dhismaha Dowlad-midnimo qaran iyo sidii loo horumarin lahaa Dhismaha dalka Soomaaliya.
Email: warfaafiye@gmail.com
Posted by admin
on Aug 21 2012. Filed under Somali News.
You can follow any responses to this entry through the RSS 2.0.
You can leave a response or trackback to this entry