Cali Dheere”Kuwa ansixiyay dastuur ku sheega waa dileynaa”

Afhayeenka Xarakada Al-Shabaab Cali Maxmuud Raage “Cali Dheere” ayaa ku celiyay mar kale in Ururkiisa ay dili doonaan Odayaasha dhaqanka ee ansixiyay dastuurka Soomaaliya hadii aysan ka laaban oo aysan cadeyn iney ka laabteen wax uu ku sheegay danbi.

“Kuwa gaaloobay ee ansixiyay dastuurka hadii aysan ka noqon oo aysan dhihin bari baan ka dhahay, oo aan dhihin waa ka laaban dambigaas waa laga dhaafayaa in  la dilo”ayuu yiri Cali Dheere.

Cali Dheere ayaa sheegay in odayaasha dhaqanka ee soo xulaya Baarlamaanka aanay aheyn odayaal dhaqan oo sax ah isla markaana qaarkood wuxuu sheegay iney yihiin kuwo ka yimid wadamada Yurub, wuxuuna ugu hanjabay iney dili doonaan ilaa mooyee aysan ka laaban danbi uu sheegay iney galeen.

Wuxuu sheegay in Ugaasyada iyo salaadiinta ee hada ku lugta leh howlaha soo xulista Baarlamaanka ay yihiin kuwo been abuur ah oo aan matali karin beelaha ay u dhasheen.

“Odayaasha dhaqanka ma ahan kuwii la yaqaan ee saxda ah, gaar ahaan qabiilkaan ka dhashay, waa kuwo been abuur ah oo ka yimid Dowladii ridada ee Cabdulaahi Yuusuf, waxay ka yimaadeen Yurub, Odayaal Yurub laga keenay Soomaali maba taqaano, mana madli karaan “ayuu yiri Cali Dheere.

Al-Shabaab ayaa horay ugu hanjabtay Odayaasha dhaqanka iyo ergooyinka ansixiyay dastuurka iney dili doonaan cid kasta oo ku lug leh arintaasi, taasoo keentay in amaanka ergooyinka qalqal galo.

One Comment

  1. puntlander says:

    asc! shaydaab cali dheeor waxaad ogaataa narka hore inuu ilaah dadka dilo uusan isaga wax dili kirin iyo shayaadiinta uu leeyahay waxbey noo dilaayaan ilaah baa wax dila waxna nooleya sidaas ha ogaado isaga naftiisa iyo inta dad uu uuntay isagaa qorshe u sameystay inuu oofsado hadii uu cali dheere aaminsan yahay inuu wax dili karo bal hala ogaado inuusan islaanminada uu sheeganayo ay tahay mid aan la hubin…… waana mujrim shaydaan ah saas hala ogaado….

Copy Protected by Chetans WP-Copyprotect.