Mo Farah oo bilay magacii Zamzam iyo Maxamed “Sawiro+Video”
Moh Farah oo Soomaali asal ah laakiin hada British ah ayaa magaca dalkiisa wuxuu ku qaaday bilada dahabka ee orodka 10.000 ee Miter,ciyaar caawa ka dhacday garoonka Olombikada Stratford stadium ee magaalada Londan.
Malaayiin dad ah oo ku kala firirssan dunida oo dhan ayaa daawaneysay markuu xiin ku dhaafay Orodyahanada Itoobiyaanka ah iyo midka Mareykanka iyagoo u jirsaday masaafo ilbiriqsiyo dhowr ah ee lagu xisaabiyo tartamada orodka.
Inkastoo Mo Farah ay u tahay tartankii ugu horeeyay ee uu Olombikada uu ka qeybgalo ayaa hadana wuxuu mar labaad jabshay Orodyahanka reer Itoobiya Tariku Bekele oo dhowr jeer ku guuleystay bilada dahabka 10.000 Miter.
Mo Farah hada ka hor wuxuu Beijing kaga guuleystay Tariku Bekele oo rigoorkii uu hayay kaga qaaday dalka shiinaha ciyaar ku xisaabsaneyd tartan caalami ah.
Mo Farah wuxuu bilada dahabka ku qaaday 27 daqiiqo 30.42, kaalinta labaad ee bilada qalinka waxaa ku guuleystay orodyahan Galen Rupp oo u tartamayay dalka Mareykanka, kaalinta Sadaxaad ee bilada Maarta ah waxaa qoorta loo suray Tariku Bekele oo magaca Itoobiya ku tartamayay.
Orodyahan Mo Farah wuxuu kaloo bilay magaca Soomaaliyeed iyo magaca walaalihiis Zamzam iyo Maxamed.
Posted by admin
on Aug 5 2012. Filed under Arrimaha Bulashada, Sawirada, Somali News.
You can follow any responses to this entry through the RSS 2.0.
Responses are currently closed, but you can trackback from your own site.
Maansha Allaah Muxammad Faarax.Cadawgaagu ha jabo.Laakiin waxaan ka sii jeclaan lahaa in uu xiran yahay Funaanad uu ku masawiran yahay Calanka soomaaliya.Muxammad baa u qeyb qaaday Zam-Zam iyo wiilkii kale ee ka yimid Xamar.
hambalyo hambalyo walaalka somaaliyeed ee guushii ugu horaysay iyo tii ugu danbaysayba u soo hooyey ingiriiska waxaan ku leehay allah ha kuu barakeeyo xoogaaga mahamed faarah waxaanan kuu rajaynayaa in aad ku dadaashid dhaqankaaga diintaad iyo dadkaaga in aad wanaajiso xaga diintana ku darso walaalkayga muslimka ahaw