Caalim oo ka qeyb galay kulankii lala yeeshay Hillary Clinton
Madaxweynihii Galmudug ee xilka laga qaaday isagoo maqan ayaa shalay galab wuxuu ka dhex muuqday kulankii saxiixayaashii la yeesheen Xoghayaha arimaha dibada Mareykanka Hillary Clinton. Axmed Maxamed Caalim oo hada xil heyn ayaa saaxiibadii waxay ku soo dhoweeyeen inuu ka qeybgalo kulankaasi isagoo weliba loo tirinayo inuu yahay bukaan socod, xili dhawna maray qaliin dhanka wadnaha ah.
Axmed Maxamed Caalim wuxuu xilka ku waayay isagoo mudo Lix bil ah ka maqnaa Galmudug, xil gudasho la’aan iyo isagoo isu dhiibay inuu fuliyo danaha Itoobiyo iyo maamulka Faroole, taasoo shacbiga Galmudug ku aheyd bahdil iyo meel ka dhac.
Caalim waxaa kaloo lagu eedeeyaa mararka uu ka qeybgeli jiray kulamada saxiixayaasha yeeshaan inuu xilkiisa ku madali waayay deegaano badan oo ka tirsan bartamaha iyo koonfurta Soomaaliya, kuwaasoo weli maamulo madala aan sameysan. halka Faroole uu ku andacoodo inuu madalo deegaano ka tirsan Khaatumo.
Shacbiga Galmudug, kuwa bartamaha iyo koonfurta Soomaaliya waxay kula talinayaan Madaxweynaha cusub in hoggaamintiisa la beegsado sixitaanka qaladaadkii Axmed Maxamed Caalim.
Howsha sugeysa Madaxweyne Cabdi Qeybdiid waxay tahay inuu maamulkiisa ku fidiyo isla markaana ka shaqeeyo danaha iyo amaanka deegaanada ballaaran ee goboladaasi.
Email: warfaafiye@gmail.com
Posted by admin
on Aug 5 2012. Filed under Somali News.
You can follow any responses to this entry through the RSS 2.0.
Responses are currently closed, but you can trackback from your own site.