Muqdisho & Taraafikada Wadooyinka “Video iyo Sawiro”
Hadii 21 sano Muqdisho ay aheyd magaalo burbursan oo sharci iyo kala danbeyn ka jirin, maanta nidaam iyo sharci dadka kala haga ayaa laga dareemayaa.
Ciidamada Taraafikada ee Wadooyinka waxay ka mid yihiin hey’addaha sharciga iyo kala danbeynta dadka ku haga gaar ahaan gaadiidleyda, waxayna halbowle u yihiin ilaalinta sharciga iyo hagaajinta marista wadooyinka. 21 sano waxay ahaayeen howlgab shaqadoodii aan la tebin.
Iminka shaqadoodii ayey dib ula midoobeen, waxayna qeyb libaax leh ka qaataan ilaalinta sharciga marista wadooyinka Muqdisho oo xiligan ciriiri badan laga dareemayo magaalada maadaama dadku ay kusoo badanayaan.
Waxay bilaabeen howlgalo isugu jira, dhowrista hanaanka marista wadooyinka iyo ganaaxidda darawaliinta sharciga jebiya ama aan heysan ruqsadda wadida gaadiidka.
Ciidamada Booliska ee u tababaran xoojinta amaanka ayaa iyaguna qeyb libaax leh ka qaata ilaalinta sharciyada.
Tallaabadaasi waxay muujineysaa in Muqdisho ay ka gudubtay hagardaamooyinkii dhagar qabayaasha la damacsanaayeen, waxayna u gudubtay hannaanka caasimadaha kale ee caalamka ku dhaqmaan.
Posted by admin
on Jul 26 2012. Filed under Sawirada, Somali News.
You can follow any responses to this entry through the RSS 2.0.
Responses are currently closed, but you can trackback from your own site.