Daawo Bannaanbax lagu taageerayay shirka ka furmay Muqdisho
Dad weyne aad u tiro badan ayaa isugu soo baxay wadooyinka magaalada Muqdisho oo markii danbe isugu soo aruuray Isgoyska Sayidka, waxayna taageerayeen shirka ansixinta Dastuurka ee shalay ka furmay magaalada Muqdisho, waxayna bannaanbaxooda ku muujinayeen in dalku ka gudbo KMG.
Dibadbaxayaasha oo iskugusoo uruuray barxada isgoyska Sayidka ee magaalada Muqdisho ayaa waxay socod ku mareen wadada laamiga ah ee isku xirta isgoyska Sayidka iyo barxada iskaashatada gaadiidka gobolka Banaadir oo markii dambe ay isugu soo uruureen.
Dadweynaha ayaa waxay kor u wateen Boorarka ay ku qornaayeen halkudhigyo ay ka mid yihiin “waxaan dooneynaa Doorasho xalaal ah oo xor ah, 20ka August waa dhamaadka faqriga Soomaaliya, iyo halku dhigyo kale oo ay dareenkooda ay ku muujinayeen.
Amaanka Bannaanbaxyaasha ayaa aad loo adkeeyay, waxaana sugayay ciidamada Booliska Gobolka Banaadir oo watay gaadiidka shabaqlaha ah ee dadka rabshadaha sameeya lagu rido.
Posted by admin
on Jul 26 2012. Filed under Sawirada, Somali News.
You can follow any responses to this entry through the RSS 2.0.
Responses are currently closed, but you can trackback from your own site.
WAR DADKU MAXISHOONAYAAN MIYA WAXAY SOO SAWIREEN TAALLADII SAYIDKA OO AY FUJISTEEN IYO GURIGII HOOYOOYINKA OO AY BARXADDII HORTIISA AHAYD AY GURYO LAAMA YEERI MADOOBAADAY OO BILILQO AH SAARANYAHAY AY KA DHISTEEN.
SHARAFTII AY BARXADDAASI LAHAYD WAA LAYAQAANEY, MAANTANA WAD ARAGTAAN SIDAY U EGTAHAY WALLEE INAYDNAAN DAD AHAYN DAMIIRNA LAHAYN SAA WAXAA SAA SOO BANDHIGAYSANE.
Dadka waxay u baahan yihiin nidaam kala haga, quruxdii meeshaan ay laheydna waa la og yahay, Siyaad bare wuxuu yiri markuu baxayay dal ka tegi maaye dad mooyee.
Waa ka xumahay, runtii markaan arkay taaladii sayidka oo meesha ka maqan wadnaha ayaa i gariiray, waan calool xamaaday waayo waxaan waayey astaan qaran oo luntay, waxaa ka sii daran goobtaas waxaa ku oolli jiray dhul aad u qurxbadan oo dhismyaal iyo taalooyin kale oo ay ka mit tahay taaladii daljirka dahsoon oo u dhaweyd taaladii geesigii sayid maxamed iyadana ishaydu maqaban, waxaan leeyahay dadka meesha isugu yimid waa dad u baahan dawlad nimo iyo qaran nimo, waa dad ay diloodeen dagaallo, bililiqo, niyadjabin iyo in markaste lagu handado qoriga caaradiisa. waxaan niyadda idin kugu qaboojinayaa waxaa la gaaray xilligii la xisaabtami lahaa oo la isweydiin lahaa wixii dhacay, waxaan idinleeyahay shacabkaas sharafta badanow, waxaad maanta la ooyeysaan dawlad la,aan iyo dhibaatooyin kale oo joogta ah oo idin dilooday, waxaadse maalin un arki doontaan in sharciga la horkeeno kuwii sidaas yeelay taaladii qaaliga ahayd ee sayid maxamed abdulle xasan iyo kuwii dumiyey qarankeenni aynnu jeclayn markas ayaad markale farxad la ooyidoontaan insha, allaah.
Aduunka waa is badbadal badan yahay, marka wax walbo wey dhacaan, dalalkan aad aragtaan ee barwaaqo sooranka dhibaato tan ka xun ayey soo mareen maanta waa aragnaa