Dib u dhac ku yimid markale shirka ansixinta Dastuurka
Dib u dhac ayaa ku yimid maanta markale shirkii ansixinta Dastuurka cusub oo la filayay inuu maanta ka furmo magaalada Muqdisho
Wasiir ku xigeenka Wasaaradda Dastuurka Xukuumadda KMG Soomaaliya C/Kariin Xaaji Buux ayaa wuxuu sheegay in sababaha shirka maanta uu u baaqday ay tahay qilaaf ka dhaxtaagan odayaasha dhaqanka oo laga sugayay iney soo gudbiyaan ergooyinka dhiman.
C/kariin Xaaji Buux wasiir ku xigeenka Wasaaradda Dastuurka ayaa sheegay in muran iyo isqabqabsi hada uu ka dhaxtaagan odayaasha dhaqanka kaasi oo ah in odayaasha ay isku qabsadeen qaarkood boosaskooda.
Wasiir ku xigeenka Wasaaradda Dastuurka ayaa mar aan wax ka waydiinay sababta ay Dowladdu wax uga qaban la’dahay khilaafkaad Odayaasha dhaqanka ayaa waxa uu sheegay in aysan dowladdu faragashan karin arrintaasi, hase yeeshee loo saaray guddiga khilaafaadka oo laga soo xulay Odayaasha dhexdooda.
C/Kariin Xaaji Buux wasiir ku xigeenka Wasaaradda Dastuurka ayaa sidoo kale sheegay inay soo dhameystirmeen ergada ansixinta Dastuurka islamarkaan ay jiraan ergo dheeraad ah oo keentay qilaafka odayaasha dhaqanka.
Ugu dambeyntii C/Kariin Xaaji Buux ayaa tilmaamay in odayaasha dhaqanka looga baahan yahay inay kala saaran danta beelaha iyo mida guud loona baahan yahay inay muhiimada ay siiyaan howlaha qaranka.
Dib u dhaca shirarka Dastuurka ayaa wuxuu soo bilaawday 12-kii Bishan 21-Bishan maanta oo 23-ka Bishana dib dhac kale ayaa ku yimid.
Email: warfaafiye@gmail.com
Posted by admin
on Jul 23 2012. Filed under Somali News.
You can follow any responses to this entry through the RSS 2.0.
Responses are currently closed, but you can trackback from your own site.