Tahriibayaal Soomaali ah oo jir dil loogu geysto xabsi ku yaal Libya
Xabsi ku yaal magaalada Misraata ee wadanka Libya ayaa waxaa ku jira 300 qof tahriibayaal Soomaaliyeed oo isugu jira rag iyo dumar, waxayna dhibaato kala kulmaan askarta xabsiga oo jirdil baahsan u geysta.
Deeqo Axmed oo ka mid ah dadka ku xiran xabsigaas ayaa sheegtay in ay ka kooban yihiin 250 rag iyo 30 haween ah isla markaana maalin walba tacaddiyo ka dhan ah bini’aadannimada loo geysto, iyadoo xustay in falkaas ay geysanayaan koox hubeysan oo ka amar qaata shakhsi u dhaqma sida hoggaamiye kooxeedyada kaas oo lacago ka doonaya dadka Soomaalida ah.
Waxay intaas raacisay gabadhan iyadoo ilmayneysa in kooxdaas hubeysan aysan muddo labo maalin ah wax cunto ah siinin dadka maxaabiista ah ayna karbaash ku garaacaan had iyo goor oo ay xabadka dhulka u dhigaan.
Sacdiyo Maxamed oo iyaduna ka mid ah dadka Soomaalida ee ku xiran Libya ayaa ka codsatay mas’uuliyiinta sar sare ee dowladda KMG ah ee Soomaaliya in ay wax ka qabtaan dhibaatooyinka lagu hayo dhallinyarada Soomaaliyeed.
Libya ayaa dhowaan waxaa ka dhacay kacdoon hubeysan, iyadoo dadka Soomaalida ah ay waddankaasi u tahay marin ay uga sii gudbaan dalalka Yurub taas oo inta badan ay naftooda halis ku gasho.
Email: warfaafiye@gmail.com
Posted by admin
on Jul 18 2012. Filed under Somali News.
You can follow any responses to this entry through the RSS 2.0.
Responses are currently closed, but you can trackback from your own site.